Configurar un par de routers

Avanzamos un chisco de nada. Imaxinemos dous departamentos que teñen cadanseu router e queren comunicarse ou imaxinade dúas casas que queren ten conexión entre elas (xa falaremos de internet)

O teu traballo:

• Monta en Packet Tracer a topoloxía do vídeo pero… con IP de clase C.
• Intenta configuralo sen axuda e revisa o vídeo cando te atasques.
• Sube un pequeno vídeo ao teu blog onde demostres que o fixeches  e que vai todo ben.

Apartires do minuto 8:00 comeza coa táboa de enrutamento.

Configuración dun router soíño

Imos hoxe configurar a mínima topoloxía posible cun router. En realidade só é por aprender xa que como sabedes os routers unen dúas redes  e neste caso só teremos unha. 😉 xa sabedes o seguinte paso.

O teu traballo:

Ingredientes:

• • un par de ordenadores na rede 192.168.1.0/24
  • un switch
  • un router

No vídeo de abaixo conta como facelo usando o CLI de IOS pero imos  intentar facelo usando o modo gráfico.

Nos comentarios hai unha chuleta estupenda. Vai tomando nota dos comandos.

Reproduce o que fai o vídeo pero usando IP de clase A ou B

Interconexión de redes

Como damos feito  para conectar tantos ordenadores como hai no mundo? O número de IP non é infinito!!! A resposta ten que ver con  configurar as redes privadas dun xeito distinto a como o facemos coas públicas.

O teu traballo:

• Unhas ideas previas que se supón que tedes do tema.
• Aquí un prezi estupendo que analizamos na aula.
•  Este vídeo para aclarar estes temas:

Imos facer un teatrillo: imaxinade que sodes un router, como sería a vosa vida?

Zettlekasten con obsidian

Hoxe imos traballar cunha aplicación para facer notas. Paréceme moi interesante incluso para catalogacións ou para facer unha wikipedia íntima e de andar por casa para todas esas cousas que nunca sabes onde anotar.

O teu traballo:

Por facer algo distinto imos crear un vault  en ObsidianPortable de hardware de rede. Así repasamos o formato Markdown e pescudamos como vai eso dos Zettelkasten  que son  moi interesantes.

Podedes facer os vosos vault directamente nun pen externo. Están en ObsidianPortable/Data/Vault se non lle dicides outra cousa na configuración.

 

Encamiñamento dinámico: RIP

Xa quedades convencidos de que ir a man nesto de configurar varios routers pode ser unha tolemia? A solución está no enrutamento dinámico: que sexan os algoritmos cos que veñen programados os routers os que fagan o traballo por nós. Funciona así na práctica.

O teu traballo:

Hoxe imos traballar en Packet Tracer cun algoritmo do tipo vector-distancia. que considera a  métrica de saltos e chámase RIP

Inspirámonos nesta páxina web e de paso descargamos o ficheiro a medio facer.