Condicional

Mostreivos na aula como usar en Google Drive a opción de Formato condicional  para cambiar a cor dun dato cando se cumpra unha condición.

O teu traballo:

Conta nunha entrada nova o que fixemos para poñer en verde as notas dos famosetes se aproban e en vermello se suspenden.

 

Advertisements

Comparando

Podemos empregar o que se chaman funcións lóxicas para comparar se dúas cousas son iguais, por exemplo. Cotillea na lista de funcións da túa folla de cálculo para ver se atopas unha función que se chame =SE() ou ben =SI() ou pode que =IF()https://i2.wp.com/www.umcaminho.com/wp-content/uploads/2014/11/igualdade.jpg

O teu traballo:

Na mesma libreta de notas de famosos da actividade anterior empregade esta función para obter nunha columna que poña a palabra “aprobado” na fila do alumno que teña unha calificación superior a 5. Pista aquí.

Pescudade por internet para poñer en vermello as cualificacións de menos de 5. Pode que esta páxina axude un chisco.

Lembrade contar como ides facendo e compartide á vosa folla de cálculo feita en Google Drive.

 

Libreta de notas de famosetes

Hoxe imos xogar a que sodes profes. Tedes unha chea de alumnos con todas as notas do trimestre. O día da avaliación tedes que levar calculadas as calificacións dos alumnos.

O teu traballo:

Nunha folla de cálculo teclea nunha columna os nomes de 20 famosos. Noutra columna as súas notas dos exames orais, dos escritos e das prácticas que fixeron na aula cando eran cativos.

Calcula con funcións as medias  de cada alumno.

Compárteo e engádeo no teu caderno electrónico.

Explica pasito a pasito como usaches as fórmulas nesta folla de cálculo

Funcións sinxelas

Se queremos ser uns expertos en follas de cálculo non queda outra que afacernos ás funcións. Son truquillos que nos permiten facer operacións de golpe. O único que debemos lembrar é o signo de igual =====

Coido que xa usamos a ferramenta SUMA() para facer as contas dos nosos gastos. Moitas veñen de fábrica, outras podemos programalas nós… pero eso será outro día. Hoxe imos coas máis sinxeliñas.Sen titulooo

O teu traballo:

Unha función chula é CONTA() e serve para…. contar 😉 ou sexa tecleamos unha chea de números ata encher unha columna. Facemos clic noutra casiña calquera. Imos á barra de ferramentas, poñemos o = para indicar que imos traballar con funcións e tecleamos:

=CONTA()

marcamos todos os números da columna e rematamos a paréntese. Xusto ó premer intro a folla de cálculo bota a conta.

Poñede agora palabras nunha columna. Contade cantas son empregando a función =CONTARA()

Probamos tamén con =MÁXIMO(

Como se averiguará o mínimo? Cotilleade no botón que dá o índice de todas as funcións.

Entrade no voso GoogleDrive, facede o mesmo exercicio e publicádeo poñendo a ligazón na vosa libreta electrónica. Facede un titorial para explicar todo o que fixestes

Rebaixas de xaneiro

A nosa empresa está de saldos e queremos facer uns descontos estupendos ós nosos clientes.

O teu traballo:

Nunha folla de cálculo fai unha lista de productos e ponlles os seus prezos. rebaixas-20153Engade unha columna co prezo das primeiras rebaixas que van ser do 20% as segundas serán do 45% pero nas terceiras rebaixas tiramos os prezos cun saldo do 70%

Fai unha folla de cálculo que bote as contas en cadansúa columna. Publícaa e pon a ligazón no teu e-caderno. Fai un pequeno titorial explicando paseniño o que fuches facendo.

 

Compartir na nube

Temos todos unha conta en Google Drive e xa argallamos nela. Cóntanos as posibilidades que ten para outros tipos de documentos.

O teu traballo:

Cal é a diferencia entre Publicar na web e Compartir?

Para que serve esa URI enooorme que copiamos e pegamos?

Cal é a diferencia entre compartir podendo editar ou compartir podendo ler? Lembra premer en Configuración avanzada.

Que debemos facer se queremos compartir o noso documento en Facebook?

Mostra as túas respostas con capturas de pantalla.

 

 

Contabilidade caseira

A nosa empresa imaxinaria tivo moooitos gastos este ano e por suposto ingresos a manchea. Facendo as contas, é rendible?

Gastos2

O teu traballo:

Nunha folla de cálculo fai dúas columnas, unha cos ingresos e outra cos gastos.

Usando o botón de suma calcula cada total

Nunha casiña nova fabrica a fórmula que reste os ingresos dos gastos. Xa vos boto unha man eu.

Es un empresario/a de éxito?

Fai o mesmo coa  contabilidade doutra empresa no Google Drive, publica a folla de cálculo no teu caderno electrónico insire a ligazón.