Ás veces tradúcese coma Solicitude de cambios e a idea é que todos colaboremos nun repositorio. Así é como é posible que moitos programadores traballen nun mesmo proxecto sen pisarse uns aos outros e como se constrúe o código.
- Se queredes aprender moito máis esta páxina web explica moi ben a idea dos pull request.
- Aquí un gist onde contan como participar nun proxecto de software aberto
O teu traballo:
Vouche contar como fixen para mandar un pull request ao meu propio repositorio. Neste caso eu fago de autor, contribuíndo con modificacións, pero tamén farei de revisor xa que é o meu repo e mando nel 😉:
No meu terminal tras clonar un repositorio fíxenlle unha nova póla á que chamei cambios e movinme a ela, modifiquei algo dos meus ficheiros e alí mesmo confirmei todo:
Fixádevos ben na derradeira liña para subir a GitHub engadín o nome da póla nova para que tamén a suba á nube: git push origin cambios
En canto entro no meu repo en GitHub descubro en amarelo o aviso seguinte:
que me suxire que faga un pull request, é dicir está pedíndome que confirme que me interesa o que acabo de subir. Voulle dici que por suposto que si:
Mirade ben que os nomes das pólas sexan correctos base:main e a outra compare: cambios Lembrade poñer un título interesante e unha explicación do que estades facendo para que o revisor entenda a vosa proposta de mellora. Mira ben debaixo as diferencias entre ficheiros. Clic no botón verde de Create Pull Request.
Agora comeza o traballo do revisor (do dono do repo e autorizados). É interesante que incorpore estes cambios? Daquela teño que incorporalos/merge:
Seguro? Aparece unha confirmación na que incluso o revisor pode poñer un comentario, por si acaso:
Que vai ser da póla que subín? A mesma páxina permite que a borre se tal:
Mirade a portada do repositorio, quedou estupenda coas melloras. Cal é a situación na que estou agora no terminal? No meu caso aquí estou:
A póla borrouse en remoto pero aínda está en local, incluso é onde quedei. Vou cambiar á principal e descargar o que teña en remoto. No meu caso sería:
e listo xa teño todo ben sincronizado.
- Agora tócache a ti contribuír co nome dun dos teus repos ao ficheiro AUTHORS.md no meu repo. Para axudar un chisco tes neste issue unha pequena receta
- Na descrición do Pull Request pon o nome dun dos teus repos en GitHub e todos imos ir alí a propoñeche algunha mellora. Eu tamén !! Paseniño o que tes que facer está neste issue
- Fai capturas de todo o que estamos facendo a modo de chuleta e súbeo ao teu wordpress.
irocho.wordpress.com 