Xa sabemos utilizar en VSCode F1 para ver a paleta de comandos pero se usamos algunha opción moitas veces paga a pena aprender unha combinación de teclas e facelo de vez. É o que se chaman os métodos abreviados ou atallos de teclado. 
O teu traballo:
Imos instalar unha extensión para encher un ficheiro de texto e facer probas e de paso aprender sobre atallos de teclado
-
- Crea un ficheiro que se chame lorem.md e ponlle un título calquera en markdown
- Instala a extensión que se chama lorem
- Preme F1 e teclea na paleta a palabra lorem
- Que acontece? Fíxate que tes un estupendo texto en latín que disque é de Cicerón.
- Bótalle unha leída ás indicacións da extensión recén instalada.
- Aparece un chisco de código en .json tes que facer o que alí indica: copialo e pegalo en:
Archivo/Preferencias/Métodos abreviados de teclado/
e alá na esquina dereita:
Ábrese un ficheiro chamado keybindings.json no que tes que pegar entre os corchetes o código que vai entre chaves.
Utiliza o teu novo atallo e modifícao ao teu gusto.
irocho.wordpress.com 