rsync en remoto

Se queremos sincronizar ficheiros entre equipos conectados en remoto tamén podemos usar rsync. Imos facer unha tarefa para que vexades como vai. Temos moita información aquí

O teu traballo:

• Precisamos dúas máquinas virtuais con linux. Kali pode ser unha delas.
• Asegúrate que están na mesma rede NAT de VirtualBox e fan ping entre elas
• Lembra comprobar que tes o paquete ou instaálao: which  rsync
• Comproba tamén que tes ssh instalado xa que se precisa.

Imaxinamos que queremos pasar unha carpeta dende unha máquina virtual á máquina que ten Kali, faremos así:

• Asegura que Kali ten o  servizo ssh activado: sudo systemctl  status ssh
•  Noutra máquina (no exemplo unha debian) crea unha carpeta e  ponlle de nome orixinais/ e mete nela varios ficheiros.

Averigua a IP da túa kali e teclea en debian:

rsync -a orixinais kali@IP.da.túa.kali:/home/kali

Fíxate que tes que poñer o nome de usuario, arroba, ip da máquina remota e dous puntiños antes de  indicar o directorio onde vai aparecer a carpeta. Se é a primeira vez que se comunican ambas máquinas en remoto daquela pedirá verificación para o intercambio de chaves criptográficas:Respondemos que yes e créase unha lista de equipos coñecidos cos que conectarse en remoto. Se cadra a primeira vez non autoriza a conexión pero da segunda seguro que vai. E xa recibiu kali a carpeta:

Agora continúa ti:

1. Na carpeta en debian engade un ficheiro que se chame README.md e volve a lanzar o mesmo comando de rsync. Sincronizou en kali?
2. Agora imos intentar que faga a sincronización automática, lembras o servizo de cron ? Pero….. como pide o contrasinal de ssh habería que facelo coa axuda desta páxina web