RAID

Falamos do almacenamento da información e tocamos o tema das copias de seguridade. O almacenamento pode ser redundante (repetido) e distribuído (repartido).

O teu traballo:

Tes que ler este documento sobre almacenamento e elaborar un cuestionario como se foras o profe para que os compañeiros sexan quen de repasar o tema.

• Publica o teu cuestionario pero sen as respostas !!!
• Botade unha lida para ver opinións sobre o mellor.
  • Que é JBOD?
  • Un RAID substitúe ás copias de seguridade?
• Exemplo de fabricante que conta como configurar os seus equipos para RAID
• Se queres xogar un pouco con como calcular o RAID perfecto para as túas necesidades.
• Para ver como montar un RAID en Linux.

Python en vscode

Como sabemos un chisco de Python e xa o utilizamos nun terminal de Linux (tamén en Jupyter Notebook) imos agora preparar o noso IDE para usalo con esta linguaxe.

O teu traballo:

Existe unha extensión cunha chea de ferramentas para programar en Python como ves na captura que fixen. Imos ir vendo aos poucos cada unha delas.

Instala hoxe no teu VSCode a que se chama Python e é de Microsoft, olliño  xa que hai unha chea delas.

Bótalle un ollo a esta páxina onde conta como probala. Por suposto aquí tamén podes ir a Archivo/Preferencias/Configuración e na barra de busca teclear o nome da extensión e poñelo todo ao teu gusto. Polo de agora imos deixalo como o trae de fábrica.

Fai unha captura de pantalla do teu VSCode no que demostres que tes a extensión instalada.

 

 

Configuración de VSCode

Unha boa morea de cousas son as que podemos persoalizar no IDE no que estamos traballando. Dende tipos de letra ata onde gardar os ficheiros, cambiar a pinta do editor, organizar os paneis nos que traballamos, ….

O teu traballo:

Vai a Archivo/Preferencias/Configuración e notarás que se abre unha lapela onde o editor que permite escoller de todo. Ás veces o difícil é atopar onde está o que buscas. Pescuda para facer o seguinte:

• Cambia o tamaño da letra do editor e do terminal
• Cambia no editor o axuste de liñas (wrap) e xa que estamos, que é eso?
• En Workbench/Administración de editores/Markdown Preview Enhanced activa para Markdown e Jupyter
• En Extensiones/MarkdownPDF quita as cabeceiras e os pes de páxina

Funciona todo? Modifica todo o que desexes. Tes activado IntelliSense? Xa descubriches o divertido de control+barra espaciadora?

 

 

Linting de markdown

Cando tecleamos código e algo facemos mal ao executalo obtemos un erro. Existe a posibilidade de que o mesmo IDE faga algunha suxerencia sobre onde pode estar a razón do erro. Podemos utilizar ferramentas automáticas que revisan a sintaxe e analizan o estilo do escrito, son os linters.

O teu traballo:

Instalamos en VSCode unha extensión que se chama markdownlint e prestamos un chisco de atención a todas as normas de estilo que verifica, eso de Mxxx. Fíxate todo o que podes persoalizar nas preferencias. Imos deixalo tal e como vén de fábrica.

Teclea un documento en markdown que se chame usoLinter.md e que teña erros na previsualización: headings desordeados, espazos en branco sen sentido,..

Teclea F1 e escolle Lint all markdown files. Fíxate que abre abaixo abre unha xanela que pon Problemas e revisa o que suxire.

Áreas de traballo en VSCode

Por suposto que temos os nosos ficheiros e as nosas carpetas pero VSCode ofrécenos a posibilidade de ter  áreas de traballo (workspace) que é un xeito de organizar o que necesita o proxecto. No fondo é un ficheiro oculto coa lista de necesidades e dependencias para que todo funcione ben.

O teu traballo:

Escolle unha carpeta con arquivos e vai a Archivo/Guardar área de trabajo… e fíxate que crea un ficheiro en .json co nome que lle indiques e rematado en .code-workspace

A partires de agora podes meter no workspace outras carpetas, estean onde sexa e consideraranse  parte do proxecto.

Vai agora a Archivo/Preferencias/Configuración e modifica todo o que queiras na lapela que se chama “Área de trabajo” ou na que ten o nome da carpeta.