Encamiñamento con máquinas virtuais (Paso 10/10)

Xa aprendimos todo o que se precisa para resolver o noso obxectivo inicial, lembrades?

O teu traballo:

Na rede que enlaza os dous routers inventa IP de clase A  e modifica o que precises para que podas volve a facer ping entre os ordenadores:

• Crear outra rede interna en VirtualBox, p.e. central
• Retocar a configuración de routerA (unha das IP ten que variar)
• Configurar as dúas tarxetas de routerB.
• Probar de PC20 a routerB.
• Modificar a táboa de enrutamento dos routers.
• Probar ping entre routers.
• Ter moito ánimo e paciencia.
• Publicar todo o que modificas e o ben que vai.

 

Encamiñamento con máquinas virtuais (Paso 9/10)

E se quero engadir filas na táboa de enrutamento? Como podo facer encamiñamento estático?

O teu traballo:

Imaxinemos que quero indicarlle a un equipo que engada máis informacion á súa táboa. Quero que en PC20 un paquete que vaia destinado a unha suposta rede 193.33.33.0/24  vaian pola interfaz 192.168.0.1 o que teño que teclear é:
ip route add 193.33.33.0/24 via 192.168.0.1

O certo é que estou arrepentidísima de facer esto e  quero borralo:
ip route del 193.33.33.0/24

e como podo facer para os paquetes que van a calquera sitio que non estea estático no router?

Por certo, para gardar a configuración para a táboa de enrutamento cómpre engadir a derradeira liñá:

nano /etc/network/interfaces

Encamiñamento con máquinas virtuais (Paso 8/10)

Como podo saber por onde van os paquetes? A min funcionoume pero que acontece se hai algún fallo? Hai un par de comandos estupendos para esto.

O teu traballo:

Se sae á primeira non aprendemos dos fallos así que aconséllovos que “estropeedes”  algo para ver o que pasa.

Entre a información que podedes obter está:

• Mirar as táboas de enrutamento do router usando o comando ip route
• Mirar as táboas de enrutamento dos ordenadores usando o comando ip route
• Utiliza o comando traceroute que vai informando do itinerario é dicir, os saltos que dan os paquetes de router en router.

Un exemplo, no meu PC20 agora que funciona ben podo ver todo o itinerario do paquete: os gateways que atravesa, o tempo que lle leva  ou como chega ao seu destiño:

• Apaga o router e mira como queda a saída de traceroute
• Apaga o outro ordenador e mira como queda a saída de traceroute

En windows úsase  tracert e podes facer probas nun PoweShell tipo:
tracert irocho.wordpress.com

Por se queredes saber moi ben como funciona este comando.

Encamiñamento con máquinas virtuais (Paso 7/10)

Xa temos dous ordenadores configurados e un router que xa vai enrutar. Só nos falta consultar  a dichosa táboa de enrutamento e facer probas.

O teu traballo:

Imos onde routeA e miramos o que ten na súa táboa de enrutamento. Tecleamos
ip route
e a min sáeme esto:
Entendes  o que significa? A min vaime xa moi ben:

Comprobacións varias de correo

Foto de Sincerely Media en Unsplash

Imos verificar que o noso correo funciona e aproveitamos para aprender comandos novos. Xa dixemos que telnet non se debe usar para nada máis que facer comprobacións, verdade?

O teu traballo:

Supoñemo que xa fixemos un systemctl status e que non temos erros. Outras comprobacións que podemos usar son:

• ps aux | grep postfix
• telnet localhost pop3
• telnet localhost imap2
• telnet localhost smtp

Proba estes mesmos comandos para postfix e dovecot e usando os portos en troques dos nomes de protocolo.
Onde están os ficheiros de configuración de postfix e dovecot?
Fai capturas de pantalla e súbeas ao teu blog explicando os teus resultados.