Sistemas Operativos

Atacamos agora un chisco de teoría. No fondo non dixemos o que é un sistema operativo ou para o que vale. Temos unha páxinas que usaremos como referencia para este tema.

O teu traballo:

Consultando aquí completade na vosa libreta electrónica a seguinte guía de lectura:

1. Cal é a misión dun sistema operativo?
2. Cal é a ubicación do sistema operativo entre as compoñentes do ordenador?
3. Cales son os modos de operación das computadoras?
4. En que modo se executa un sistema operativo? E o LibreOffice?
5. Que instrucións non se poden executar en modo usuario?
6. Anota de aquí as funcións dun sistema operativo
7. Así a ollo… cantas liñas de código ten o kernel de Linux?
8. Pescuda por internet as diferencias entre Linux e Windows
9. Conta todo esto nunhas pouquiñas diapositivas.

 

Xestión de E/S

Falamos das dús posibilidades de xestión de E/S, tedes unhas fotocopias e nas nosas anotacións. Con este material contesta ás preguntas seguintes.

O teu traballo:

1. Quen é o responsable da xestión de E/S?
2. Que é unha interrupción?
3. Cando paga a pena usar DMA?
4. Que son as DQR?
5. Nomea as técnicas de xestión de memoria

Xestión de Memoria

Velaí vai o .pdf coas preguntas tipo test e as anotacións para ir repasando.

O teu traballo:

Convídovos a engadir comentarios se atopades páxinas onde falen do tema que vos parezan interesantes.

Virtualización

Ben sei que sabedes traballar con máquinas virtuais pero pode que non teñades claro como funciona a cousa. Imos repasar o que sabemos e avanzar un chío. Xa de paso botar unha man a algún interneteiro para aprender a virtualizar.

O teu traballo:

Consultando por exemplo aquí, responde a:

1. Que é unha máquina virtual?
2. Cal é o sistema operativo convidado (guest)?
3. Cal é a diferencia entre virtualización tipo I e a tipo II?
4. Cal é o hipervisor que usas na aula? De que tipo é?

Fai na túa libreta electrónica un titorial explicando como instalar en VirtualBox un linux da familia de Debian e outro de RedHat

Repaso teoría SO

Pequeno cuestionario de conceptos que deberíamos dominar.

O teu traballo:

Anota na túa libreta a resposta ás seguintes cuestións

1. Define un sistema operativo.
2. Explica catro funcións dun sistema operativo.
3. Explica a diferencia entre o modo supervisor e o modo usuario.
4. Que son as chamadas ó sistema?
5. Que é o autodiagnóstico POST?
6. Nomea tres servizos que ofrece o sistema operativo.
7. Que é un proceso? Explica a diferencia entre un proceso e un fı́o.
8. Fai unha lista de comandos de Linux que teñan que ver cos procesos e indica para que serve cada comando.
9. Fai un esquema de todas as posibles clasificacións de sistemas operativos