Ethernet

CISCO é un sitio estupendo onde aprendelo todo de redes.

O teu traballo:

1. Que é Ethernet? En que capas se localiza.
2. Busca  por internet un gráfico cos campos da trama Ethernet.
3. Resolve este exercicio da Academia de Cisco

Desdobre da capa 2

Resulta que a capa de enlace do modelo OSI fai moitas tarefas e organízase en dúas subcapas.

O teu traballo:

Fai pescudas  por internet para resolver este pequeno cuestionario:

1. Averigua aquí que servizos presta a capa de enlace.
2. Que é un servizo orientado a conexión?
3. Como se chaman as dúas subcapas?
4. Cal das subcapas está máis perto da capa física?
5. Distingue a subcapa MAC do enderezo MAC. Ten sentido que se chamen igual?
6. Que significa neste contexto competir?

Guerreiros da rede

Como funciona eso de que eu quero visitar unha páxina web e ao facer clic aparece no meu navegador? Falamos do modelo OSI en teoría, agora imos velo en “debuxiños”

Absolutamente toda persoa que sabe algo de redes veu esta animación. Está mooooi ben. Confío que entendades caseque todo. Pode que algunhas cousas aínda non as víramos polo miúdo.

O teu traballo:

Tes que ver si ou si este vídeo de animación. Na propia web tes a transcrición, con algúns defectillos. Antes pescuda o que é: firewall, ping da morte, proxy e outros termos que non entendas e aínda non vimos.

Traballo voluntario para ti (veña, vale, sube nota) tes que facer un vídeo no que expliques en plan teatral o modelo OSI e todo o das cabeceiras, cola, tramas, segmentos, portos… imaxinemos que un compi está enfermo e ten que enterarse ben.

 

Detectando erros

Hoxe imos adicarlle un rato á capa 2 do modelo OSI, chamada de enlace de datos. Aquí temos agrupados os bits en tramas e queremos que comecen o seu percorrido sen erros. Esta capa usa varios algoritmos para detectar e incluso corrixir os erros dun byte. Imos fixarnos nunha desas técnicas, o chamado bit de paridade.

O teu traballo:

Consultando esta páxina, fíxate ben como podemos detectar se un byte ter erros. Precisamos usar un bit para esta comprobación e decidir se imos traballar con paridade par (o máis frecuente) ou impar.

1.- Traballamos desta volta con paridade par. Cal sería o bit de paridade para completar o byte? Usa draw.io para representar o byte resultante coa codificación que prefiras.

• • 1010101□
  • 0011001□

2.- Como sería se usamos paridade impar?

3.- Se o bit da dereita é para a paridade par, hai algún erro se recibo 10101010?

4.-Propón para os teus compañeiros un bloque de 7×7 bits e calcula a paridade horizontal e a vertical. Tanto para paridade par como impar. Fai unha foto do exercicio e súbeo ao teu blog ben corrixido.

5.- Fai no teu blog unha pequena chuleta de como fixeches as túas contas

Outros protocolos famosos: ARP

Xa temos montada unha mini-rede con varias máquinas virtuais (sempre podemos escalar e engadir outra) e para comprobar que están na mesma rede puxémoslles  manualmente IP privadas e fixemos ping entre as máquinas e  parece que todo vai estupendamente, verdade?

O teu traballo:

• Xogando con Wireshark decatámonos de  que de cando en vez sae un paquete co chamado protocolo ARP. Dades cazado algún deses paquetes? Facede unha captura de pantalla e subídeo ao voso blog.
• Como sabe o meu ordenador cal é a  máquina que ten unha IP se eu podo cambiala cando me pete? Vai ás túas máquinas en rede interna e  despois de facer ping a todas as máquinas, teclea o comando:
  ip neigh show
• Que información hai alí almacenada? Fai unha captura dunha das túas máquinas.
  Consultando aquí fai todos os estropicios que queiras e cóntanolo no teu wordpress:

1. Engade unha entrada na táboa ARP  para unha imaxinaria IP a unha MAC inventada.
2. Borra esa liña da táboa.
3. Borra todo o da túa tarxeta de rede (como se chama?)
4. Borra todo.
5. Que significa eso de  REACHABLE, STALE, FAILED ou DELAY? Podes comprobalo?

Agora xogamos en windows:

• No teu Windows entra en cmd ou PowerShell e teclea alí
  arp -a
• Entendes o que alí aparece? Explica algunha das liñas da táboa que obtés. Busca información de como podes engadir ou borrar ringleiras da táboa ARP en Windows e cóntao no teu blog