Moodle con docker-compose

Xa temos Docker montado e funcionando? Xa usamos algún contedor de proba? Xa sabedes os miles cos que podemos xogar en DockerHub?

A nosa idea é traer un contedor con Moodle e montar o curso alí, evitando os problemas de configurar os paquetes e as bases de datos.

O teu traballo:

Resulta que bitnami permítenos baixar un ficheiro para preparar un moodle sen demasiado traballo:

• O encargado de facelo vai ser un paquete que debemos instalar que se chama:
  sudo apt-get install docker-compose
• Como nos pide instalalo respondemos que yes. Ao rematar comprobamos:
  which docker-compose
• Facemos unha carpeta para este proxecto de nome moodle
• Para descargar o moodle imos baixar primeiro o ficheiro que preparou bitnami para traballar con Moodle en Docker. Traémolo do seu GitHub, esa liña que comeza por curl
• Mirade se o tedes descargado, o nome é docker_composer.yml Curiosidade por ver o contido? É unha especie de script que lle di a Docker todo o que ten que instalar.
• Xa podemos instalar Moodle dockerizado!!!! Este paquete xa chama ao ficheiro .yml
  sudo docker-compose up -d
• O que eu obteño é:
• Estupendo: creou un docker para moodle e outro para a base de datos!!!!`  Como sei se funcionan?
  sudo docker ps -a
• Xa sei o porto polo que traballa?
• Como accedo a Moodle?? No navegador, que para eso é unha aplicación web. Con que URL? Teño que averigualo:
  sudo docker container inspect moodle | grep IPAddress
• Teño xa a resposta?
• Vou ao navegador e poño esa IP e intento acceder polo porto 8222
• New Site? Para acceder como administrador o nome de usuario é user e o password bitnami. Alguén ten curiosidade por saber como o sei?
• Agora queremos rematar educadamente?
  sudo docker stop moodle
• Chuleta neste repositorio.

OnlyOffice en Docker

Xa temos no noso docker un sistema de arquivos na rede pero é interesante que teñamos unha aplicación parecida ao office de Windows. Veredes que sinxelo.

O teu traballo:

• Estamos na rede correcta? Paramos todos os contedores que teñamos funcionando. Podes usar portainer ou
  sudo docker stop numeritoID
• Visitamos a páxina oficial  ou ben a DockerHub e collemos o código que nos interesa:

sudo docker run -i -t -d -p 8111:80 -v /app/onlyoffice/DocumentServer/logs:/var/log/onlyoffice -v /app/onlyoffice/DocumentServer/data:/var/www/onlyoffice/Data onlyoffice/documentserver

Cal é a diferencia con facelo con:

sudo docker run -i -t -d -p 8111:80 --restart=always \
    -v /app/onlyoffice/DocumentServer/logs:/var/log/onlyoffice  \
    -v /app/onlyoffice/DocumentServer/data:/var/www/onlyoffice/Data  \
    -v /app/onlyoffice/DocumentServer/lib:/var/lib/onlyoffice \
    -v /app/onlyoffice/DocumentServer/db:/var/lib/postgresql  onlyoffice/documentserver

En realidade… xa está. Indo a http://localhost:8111

Pero nesa páxina aconsellan que fagamos unha proba de funcionamento. Somos ben guiadiños e facemos tal. Vai? Veña a facer un documento de cada tipo e descargalo en .pdf

Podemos aproveitar  para explicar a razón pola que hoxe o código é tan longo con tantos -v. Ide ás rutas que indica entre os -v e os dous puntiños. Sabemos o que son os volumes persistentes?

Wiki convincente

Xa tedes un tema bonito? O de fábrica está moi visto. E tes algunha extensión que faga algo interesante? Xa podes traballar de freelance?

O teu traballo:

Conta como fixemos para explicarllo a calquera  que queira aprender. Se cadra temos que traballar algún día de formadores doutras persoas.

Sube capturas de pantalla nas que demostres que tes unha chea de páxinas no teu wiki, debidamente enlazadas. Convence ao teu futuro pagador que usaches plugins interesantes, que tuneaches o tema e non hai outro igual e que varios usuarios do departamento de publicidade van facer sen dificultade e mantemento do wiki. Procura ser moi convincente !!!!

Cambiar tema no wiki

Imos ver como cambiar o tema que trae de fábrica.

O teu traballo:

Visita a páxina onde fala de templates e busca aló en baixo o tema que te pareza máis interesante. Eu vou escoller GreenSteel Template facendo clic sobre o título para ver a pinta que ten. Teño que seguir as instrucións de aquí como di no tema:

• No navegador entro no meu dokuwiki co nome de super-user que escollín ao configuralo. Vou a Extension Manager e á lapela Search and Install e tecleo o nome do tema que escollín. Premo Install:

• Agora que está instalado temos  que activalo no Configuration Manager:
• Abaixiño de todo clic en Gardar. No meu xa se pode ver. Non sei eu se me gusta moito pero teño uns 180 para elixir. Ese de ArgonTemplate…
• Volvendo a Adminsitración podedes tunear un chisco o voso tema no apartado Template Style Settings.

Alimentar un wiki

En canto teñas instalado o dokuwiki tes que ir creando as páxinas. Tes dúas posibilidadades:

• Ir á lupa e poñer o nome da páxina e creala despois
• Comezar a escribir e cando chegues a unha palabra que sexa unha ligazón a outra páxina propia (internal link) podes poñela entre dobre corchete.
• Para poñer categorías (namespaces) consulta aquí

O teu traballo:

1. Busca un tema para a nosa wikipedia de andar por casa: xardíns?
2. Crea alomenos cinco páxinas que enlacen entre elas e teñan imaxes.
3. Entra co teu nome de usuario e busca o Extension Manager (Administrador de extensiones)
4. Vai á lapela que permite buscar extensións.
5. Instala a extensión que se chama color plugin  para usar coloríns.
6. Atopei vshare que é un plugin para inserir vídeos no wiki.
7. Pescuda como facer para que o teu usuario e outro chamado sabio sexan os únicos capaces de modificar o teu wiki.

Publica capturas de pantalla das túas cinco páxinas, do Sitemap (Índice) e mostra que tes o usuario sabio