Autor: i-rochiño

Tratando de facer unha proposta de traballo para o estudantado que resulte atractiva e motivadora. Non sei se chegamos a tal pero paseniño imos ido.

Documentar en Java

~ i-rochiño ~ Deixa un comentario.

Imos ver como crear documentación do xeito máis eficaz empregando extensións en VSCode.

O teu traballo:

Na páxina do VSCode cóntanos todo o que aconsella instalar:

Cando teñas todo funcionando … Fai un fork e descarga este pequeno repo no teu ordenador:

  1. O ficheiro Boas.java seguro que o dominades pero imos intentar que nos documente automaticamente eso tan sinxelo: F1/Generate JavaDocs Comments for Open File Vedes o que fai? Agora vós mesmos deberíades substituír o que deixa marcado coa información que consideredes relevante.
  2. Analizade agora o ficheiro Punto.java e volvede a documentalo automaticamente.
  3. Que tal agora co Vehiculo.java?
  4. Fai capturas de pantalla e explica no teu blog como queda a túa documentación
Recursos para aprender a documentar estupendamente:

Switch a man (ex 1)

~ i-rochiño ~ Deixa un comentario.

Lembras que fixemos un exercicio para aprender a manexar Packet Tracer. Agora imos facerlle algúns cambios para aprender un chisco máis sobre este programa de simulación.

O teu traballo:

Xa notarías que o HomeRouter recoñece aos portátiles e dálles unha IP privada para que estean todos na mesma rede, diríamos dentro da casa. O problema é se non tes DHCP e tes que meter todo a man.Imos quitar o router e poñer un switch:

  1. Colle varios portátiles e ponlles unha tarxeta de rede para conexión por cable. Por exemplo NM-1-CE
  2. Escolle un switch, por exemplo Switch-PT
  3. Conecta tres portátiles cun cable ao switch, seguro que dá erro. Sabes a razón?
  4. Efectivamente, temos que poñer a man a IP de cada portátil. Escollemos IP de clase A. Fai ti a túa proposta, asegúrate que están no mesmo rango.
  5. Lanza ping dun portátil ao outro e verifica que funciona.
  6. Fai capturas nas que contes como funciona todo.

Rede na casiña

~ i-rochiño ~ 1 Comentario

Hoxe imaxinamos que temos unha casa enorrme cunha chea de amiguetes que veñen xogar cos seus portátiles na nosa WiFi.

creada con DALL-E3

O teu traballo:

Simula en Packet Tracer a visita de 5 amigos con cadanseu portátil ou móbil. Ti aportas o teu PC, a túa tablet e o teu router sen fíos, evidentemente.

  1. Simula a situación en PacketTracer e sube unha captura de pantalla onde se vexan todos os dispositivos e a configuración da túa tablet. Lembra coller un HomeRouter e poñer tamén unha tarxeta sen fíos aos portátiles.
  2. Averigua a IP de cada dispositivo.
  3. Fai ping entre os equipos. Podes facelo co sobre da barra de iconos ou ben entrando en terminal.
  4. Como é a táboa ARP da tablet despois de facer ping a todos os equipos?

Batiburrillo de git

~ i-rochiño ~ Deixa un comentario.

Apetécevos ir comprobando se aprendemos moito?

O teu traballo:

Este test é divertido

Aquí unha especie de simulador de repositorios guiado.

https://docs.github.com/en/get-started/start-your-journey/hello-world

https://courses.edx.org/videos/block-v1:LinuxFoundationX+LFD109x+1T2025+type@video+block@a4407ac14ebf4d92818d0329b3cf9e3b

https://git-scm.com/book/es/v2https://git.kernel.org

https://mirrors.edge.kernel.org/pub/software/scm/git/docs/user-manual.html

Repo co teu código

~ i-rochiño ~ Deixa un comentario.

Que tal se agora queredes que alguén colabore convosco para mellorar un proxecto? Deberíades crear un repo en GitHub e que alguén bote unha man.

O teu traballo:

  1. Crea un repo en GitHub
  2. Engádelle código que teñades dalgún dos módulos nos que aprendedes a  programar.
  3. Subídeo a GitHub
  4. Publica no teu blog o enderezo do teu repo
  5. Accede ao repo dun compi de clase. Clónao, fai unha póla, mellórao engadindo algo e fai  un Pull Request.
  6. Revisa o teu propio repo en GitHub e verifica que teñas algún Pull Request, revísao e engádeo ao teu proxecto se paga a pena. Non borres nada para que se poda comprobar o teu traballo.
  7. Fai o mesmo aportando a algún outro compi