Empaquetando con tar

Imos aprender a empaquetar e desempaquetar arquivos para despois comprimir para traballar con copias de seguridade. Cun chisco de sorte non nos pasa o da universidade de Kioto. A idea é que imaxinemos que estamos no servidor central dunha empresa e queremos ter actualizadas as copias para en caso de inundación, volcán ou ramsonware estar preparados.

O teu traballo:

O primeiro na nosa máquina virtual con Linux actualizamos paquetes e facemos unha instantánea.

Imos paseniño aprendendo a empaquetar e comprimir:

• Creamos un directorio  chamado orixinais/ e engadímoslle fich1.dat fich2.txt
• Creamos o directorio copias/
• Fabricamos o arquivo empaquetado do que hai en orixinais/ e gardámolo nun directorio ao que imos chamar copiazo.tar:

tar -cvf  copias/copiazo.tar  orixinais/

Fai a  proba de non usar a opción -v. Que acontece?

• Comproba que se creou o  empaquetado con:

ls copias/

• Se desexamos ver o contido do .tar  sen desempaquetalo faremos:

tar  -tf copias/copiazo.tar

• E se queremos desempaquetalo o que faremos será crear un directorio para gardalo ao que chamaremos:

mkdir recuperar/

• Desempaquetamos con:

tar -xvf copias/copiazo.tar -C recuperar/

• Queremos engadir un ficheiro ao .tar que se chama fichNovo.txt. Ou volvemos a comezar  con todo ou engadimos directamente ao empaquetado:

touch orixinais/fichNovo.txt
tar -uvf copias/copiazo.tar orixinais/fichNovo.txt

• Se cando creamos o  .tar queremos que o resultado estea comprimido precisamos engadir -z para que use gzip e tamén indicar a extensión .gz  onde o nome do ficheiro:

tar -czvf  copias/copiazoComprimido.tar.gz  orixinais/

Agora tócache a ti subir este traballo:

1. Fabrica unha carpeta que se chame exercicio 1/ e que teña tres ficheiros .html e un directorio chamado fotos/ con outros dous ficheiros dentro, un deles debe ser .jpg e outro .png.
2. Fai o que precises para empaquetalos e comprimilos.
3. Mostra o resultado de visualizar o contido do paquete  usando a opción de tar axeitada.
4. Descomprime e desempaqueta o ficheiro .tar.gz e mostra o resultado xunto co comando co que o fixeches.
5. Conta todo o procedemento realizado.

• Debedes personalizar o prompt  co voso nome para traballar co estilo deste trimestre como dixemos na aula. Revisade se a shell que usades é zsh
• Para aprender un chisco máis

Copias de seguridade

Os datos do noso ordenador teñen que estar seguros e protexidos. Abordaremos como facer  copias de seguridade, pero antes imos repasar como comprimimos arquivos e aclarar algúns conceptos:

• O documento co que falaremos das copias de seguridade.
• Documento para empresas (revisar o apartado 3, 4 dende  páx 14).

O teu traballo:

• Antes repasaremos como se comprimen os arquivos. Lembrade que en Windows co botón da dereita temos a posibilidade de comprimir con .7z ou ben con .zip
• Averigua cales son as diferencias entre estes dous estilos de compresión.
• Fai un estudio comparativo de como comprime .zip e .7z por exemplo comprimindo un ficheiro de imaxe .tiff que descargues de internet.
• Cal é a vantaxe de comprimir ficheiros antes de facer unha copia de seguridade?