Estades contándonos datos técnicos sobre os periféricos. Se son dispositivos que se conectan ao chásis do ordenador a pregunta que nos facemos hoxe é … como se conectan?
O teu traballo:
Busca por internet fotos de conectores actuais e anota os nomes indicando para que se usan.
Fai coas imaxes que obteñas un carrusel no teu blog, polo menos cinco imaxes de distintos tipos de periféricos, por exemplo conectores USB, de monitores, de audio, de fibra óptica ou de alimentación
Esto líase un chisco polo que en moitos casos paga a pena facelo a man.
O teu traballo:
Fíxate ben na imaxe que temos aquí. Imaxina que a subrede da esquerda é 192.168.1.0/24 e que a da dereita é 10.0.0.0/8 mentres que a rede que forman os dous routers é 172.20.0.0/16
Inventa as IP de cada interfaz de rede e constrúe a táboa de encamiñamento do router da esquerda (Router I) e tamén o da dereita (Router D).
Outros moitos exercicios coma este témolos aquí.
Comproba a túa solución montándoo en Packet Tracer e sube ao teu blog a lista de comandos que tiveches que teclear.
As follas de cálculo coas que traballamos son un programa instalado no noso ordenador, é dicir, traballamos en local. Hoxe toca facelo en remoto, é dicir online. Imos usar SaaS (Software As A Service) o que ven sendo Google Drive.
O teu traballo:
Sube unha captura de pantalla do caderno de notas dun profe parecido ao que fixemos o outro día pero hoxe feito en Google Drive. Hoxe con 10 alumnos chega e o profe ten anotadas:
Inventa todos eses valores para facer:
Sube unha captura do resultado e comparte a folla de cálculo copiando e pegando a ligazón no teu blog.
Xa estamos chegando ao mundo real onde un router fai en intermediario entre varias redes.
O teu traballo:
Hoxe imos empregar unha ficha de Cisco onde non só hai que montar unha topoloxía, tamén hai que responder a unhas cuestións para ir profundando en todo esto que estudamos. Veredes como damos feito, subide todo ao voso blog. Unha axudiña por aquí.
Unha imaxe de disco é un arquivo que contén a estrutura completa e os contidos, nese momento, dun disco duro. Unha imaxe de disco prodúcese creando unha copia completa sector por sector do medio de orixe e, polo tanto, replicando perfectamente a estrutura e os contidos dun dispositivo de almacenamento.
Cada vez que descargamos unha .iso de Ubuntu, por exemplo, estamos descargando un ficheiro que ten todo o que alguén tiña no seu disco. Agora tócanos a nós facer unha imaxe dalgún disco noso para poñelo tal cual noutro equipo.
Antes de facer unha desfeita imos probar como traballar con Clonezilla nunha máquina virtual e despois xa o faremos nos equipos do taller.
O teu traballo:
Nesta páxina descargamos clonezilla. Eu collín a .iso pero podedes coller .zip e despois descomprimir. Fixádevos ben, descargo unha iso para crear unha iso.
Mentres vai descargando arranca unha máquina que teñas con Lubuntu, por exemplo. Esta será a máquina que imos clonar. Nesa máquina cambia o fondo de pantalla e mete carpetas e ficheiros no escritorio para comprobacións rápidas.
Indo a Configuración/Almacenamento engadimos disco novo o que sería “pinchar” un USB. No mesmo controlado SATA engadimos un novo disco de 33 GB e eu chámolle USBmentira na ruta que o vai crear:
Despois engadimos un cd (lembrades que .iso creouse para traballar cos CD). Buscamos a .iso de clonezilla que supoño que xa descargou:
A min colleumos:
Iniciamos a máquina virtual. Podedes ver algo coma o meu? Xa teño no meu Lubuntu un USB con clonezilla dentro e un ficheiro para facer probas.
En Lubuntu damos formato ao novo disco:
Xa o teño listo:
Lembrade escoller o arranque dende onde tedes Clonezilla:
Xa debería arrancar dende a “unidade óptica” ou sexa dende a .iso e recoñecelo todo. Deixamos casi todo o que trae de fábrica. Dades chegado aquí:
Moito coidado agora!!! Primeiro facede ctrl C para saír e despois fixádevos ben que queremos facer un clon do disco de 25 GB e teñen que ter ambos o mesmo tamaño.
irocho.wordpress.com 