VLSM

Cando non me din cantas subredes pero me din cantos equipos temos. Neste caso non temos o mesmo número de equipos por rede. Segundo o número de dispositivos necesitamos máis ou menos bits na parte de host polo que cada subrede terá unha máscara distinta.

O teu traballo:

Xa vos contei na aula como se fai o de roubar bits para host. Lembrade pensar ben a parte da IP para que os rangos saian ben.

• Aquí tedes un exemplo de exercicio de cálculo sinxelo. Sodes quen de facelo?
• Este vídeo é moi interesante, Walter explica como calcular dun xeito máis rápido ca min 😉 o direccionamento VLSM, pero fai un chisco de trampa: só valen esas contas para clase C. 🤫 Imaxinades a razón?
• Agora ti intenta facer (sen mirar)  exercicio de VLSM desta páxina web. O autor di que é difícil, pero nós podemos con esto e máis. . O atallo de Walter non  nos vale. Ricardo tamén bota unha man en pdf

Non coñezo de nada a Walter ehhh!! Nin a Ricardo. Tampouco a Arcadio

Repositorio de python

Se botades un ollo aquí á dereita veredes que temos unha sección de anotacións para que aprendades un chisco máis polo miúdo a programar en Python. Son pequenas tarefas que tedes que ir facendo e subindo ao voso repositorio.

O teu traballo:

1. Crea unha conta en GitHub e un novo repositorio que se chame dixitalización.
2. Abre un post novo no teu blog indicando cal é a URL do teu repositorio de GitHub para que podamos acceder todos.

Entra no apartado de Python das anotacións e imos facendo todos xuntos.

Preparación dun disco de arranque

Escollede un dos ordenadores do taller -un dos que encende-  e como son velliños imos instalarlle un sistema operativo. Comezamos escollendo un que precisa moi poucos recursos e así imos aprendendo como se vai facendo.

O teu traballo:

1. Descarga unha .iso dunha distro de Linux que precise poucos recursos tipo PuppyLinux.
2. Descarga un programa para fabricar discos de arranque e usa esa .iso nel: Rufus, BalenaEchter,…
3. Fai unha captura de pantalla do contido da memoria flash unha vez listo o disco de arranque

Subredes na aula

Xa está ben de simular e facer contas, agora no mundo real: cada fila de ordenadores vai estar nunha subrede e temos que demostrar que non facemos ping ás outras subredes.

O teu traballo:

Conta paseniño o que fixemos supoñendo que queremos 4 subredes dende 192.168.0.0

Escollede unha IP do rango da vosa subrede/fila e comprobade que facedes ping cos compañeiros do lado e non cos de atrás ou adiante.

Tedes internet? Cal é a razón?

Python usa números

Non parece moi interesante eso que fai print() de reproducir o que lle mandemos. Imos gardar valores en “caixiñas” e pedirlle a print() que cotillee o que alí hai  e que o mostre en pantalla. Ben sei que sodes xente que sabe que as “caixiñas” chámanse variables numéricas.

O teu traballo:

Unha vez máis python3 no terminal, experimentade co meu pantallazo e contade as vosas pesquisas sobre as variables:

Loading

Sorry, something went wrong. Reload?

Sorry, we cannot display this file.

Sorry, this file is invalid so it cannot be displayed.

view raw

gist2_var.ipynb

hosted with ❤ by GitHub