FileZilla-Server (voluntario)

Xa que xogamos con FileZilla imos instalarnos o paquete para crear un servidor. Podemos facelo tanto en Windows como en Linux. Tedes a man unha máquina virtual con Ubuntu?

O teu traballo:

Está moi ben este sitio web informando de como instalar e facer unha configuración chula. Trata de seguir paseniño o que alí conta.

1. Descarga o paquete.
2. Dálle permisos de execución.
3. No directorio onde o descargaches:

dpkg -i FileZilla_Server*.deb
en caso de problemas teclea apt install -f
Coma sempre:
systemctl start filezilla-server

Penso que xa me vai:

Precisaremos outra máquina para que sexa cliente deste novo servidor. Que tal un windows?

FTP en .pdf

Velaí vai unhas anotacións sobre o servizo FTP.  Avisade se atopades calquera erro ou engadide nos comentarios se atopades unha páxina chula sobre o tema.

O noso tradicional xogo de preguntas e respostas:

vsftp como FTPS

Xa dixemos que FTP no era nadiña seguro? hai a  posibilidade de mellorar a transferencia de ficheiros empregando ferramentas adicionais. Seguro que imaxinades que con SSL/TLS creando certificados podemos mellorar a cousa. Incluso ao falar de SSH damos feito algo mellor.

O teu traballo:

Anota no  teu blog as diferencias entre FTPS, FTPES e SFTP. Tes información aquí en inglés e en castelán aquí.

Consultando esta páxina web intenta crear un certificado (lembra poñer a IP onde di eso de FQDN), avisar a vsftp que o tes nos ficheiros de configuración e fai un par de probas.

Solucionado 530: resulta que consultando aquí penso que atopei a solución a este erro que nos estorbou onte. Resulta que o comando ftp é demasiado inseguro e non se pode usar en terminal. Temos que instalar no cliente un FileZilla pero debe ir con TLS. A min quédame así (fai clic para velo mellor):

O meu ficheiro de configuración ten nas derradeiras liñas:

Cunha explicacionciña na web mencionada aquí.

Por certo descubrín para ver erros:
/usr/sbin/vsftpd /etc/vsftpd.conf

Ampliar: moi avanzado.

Configurar con CLI

Para configurar equipos tamén temos comandos, para modificar ou cotillear as configuracións.

O teu traballo:

Anota no teu blog a utilidade dos comandos:
show version
show history
Lembrades aquelo de fulldúplex, halfduplex, simplex? Proba a cambialo e cóntanos os teus resultados.


Sempre teremos a man o tocho-chuleta. 👌ou este gist que polo de agora quédasenos un pouco grande.

Configuración de FTP anónimo

Os ficheiros tan interesantes que temos merecen que todo  o planeta acceda a eles. Non só os usuarios locais. Cal é  o nome de conta coa que calquera vai poder conectarse ao noso servidor? anonymous. Eso si…. conectar hanse conectar pero onde eu diga, que para eso son administrador do servizo.

O teu traballo:

En dserver00 modificamos /etc/vsftpd.conf  para permitir que calquera poda entrar no servidor e só coller  ficheiros. Non vai poder facer outra cousa, ou sexa, só usar get : imos autorizar usuarios anónimos e tamén deixamos aos usuarios locais da máquina:

Cal será a carpeta á que accede o usuario anónimo? Teremos que fabricala, que tal:
mkdir /var/anonimo
Imos fabricarlle outra dentro para que acceda directamente
mkdir /var/anonimo/pub

Eso de pub como “público” queda mu profesional. E xa que estamos,  un ficheiro para ter algo que descargar:

touch /var/anonimo/pub/paraTodos.txt

Agora cómpre dicirlle ao ficheiro de configuración onde ten que buscar ese directorio. Indícase nunha nova directiva chamada anon_root. No meu ficheiro de configuración non aparece polo que teño que teclealo a man:

Debería estar!!! Esquecín que tedes que entrar no cliente co usuario anonymous (creo que tamén vale usuario ftp) e sen contrasinal. Xa accededes ao directorio compartido e podedes descargar o ficheiro como fixen eu:

Que acontece se probades con Filezilla?

Nota: agora xa podemos subir ficheiros con put grazas ao  anon_upload_enable=YES