CPanel

Que tal agora intentar montar as aplicacións web na nube de verdade?

O teu traballo:

Imos probar esto:

https://cpanel.net/products/trial/

Que tal levamos o de seguir un titorial? A min gústanme os desta páxina web, que por riba conta como atopar aloxamento web moi barato:

https://desarrolloweb.com/articulos/aprende-usar-cpanel

Aplicacións de ficheiros na nube

Parece que as condicións para usar Google Drive complícanse. Que podemos ofrecerlle á nosa empresa para que teña os seus ficheiros na nube e podan acceder todos os traballadores? Que tal ter o noso propio servidor de ficheiros na nube?

O teu traballo:

Proba o funcionamento de NextCloud na demo que dura uns días. O contrasinal é demo.

Descarga en Windows a aplicación para acceder a nextcloud con ese nome de usuario espantoso que só dura 60 min. Lembra que o nome do teu servidor é algo así como https://demoXXXX.nextcloud.com

Xoga na app sincronizando e borrando documentos. Sube unhas capturas nas que demostres en Windows que no teu servidor de arquivos tes o logo de i-rochiño e un par de vídeos chiquitines.

Para instalar o servidor no noso XAMMP temos que descargalo de aquí.Por se o pide instalamos PHP.

Benchmarking ou sexa facendo probas

Imos facer probas para ver o rendemento do noso sevidor. Como é un servidor local non ten moito mérito pero que saibades que Apache proporciona esta ferramenta chamada humildemente ab

O teu traballo:

Comproba que tes instalado o paquete ab

Queremos saber o comportamento da nosa páxina cando hai 100 peticións con 10 usuarios que se conecten ao mesmo tempo:
ab -c 10 -n 100 https://localhost/dokuwikitoXX

Consulta nesta páxina se queres entender o resultado que mostra no terminal.

Sube ao teu traballo unha gráfica na que se vexa que se aumentas as peticións ou a concorrencia o tempo medio varía.

Dokuwiki na nosa intranet

O noso CMS ata agora é WordPress e está aloxado na nube. Queremos ter un CMS nos nosos servidores para a documentación interna. O máis sinxelo de configurar é un wiki. Podemos escoller o da wikipedia pero Dokuwiki non precisa traballar con bases de datos. Aínda máis sinxelo.

O teu traballo:

• Averigua cal é o CMS co que está feito a wikipedia.
• Edita algunha páxina da wikipedia (por exemplo a que fala de aplicacións web)
• Razóns para preferir Dokuwiki fronte ao da wikipedia?
• Instalamos agora a versión estable de Dokuwiki:

• • Descargamos como nos indican na páxina web do proxecto. (Quitade todos os idiomas que vos pete)
  • Descomprimimos e a carpeta metémola en /opt/lampp/htdocs
  • Cambiamos o nome para chamala dokuwiquitoXX ou algo así de orixinal.
  • Lembrade cambiar permisos ao novo usuario:
    sudo chown -R daemon:daemon  /opt/lampp/htdocs/dokuwiquitoXX
  • No navegador executamos o script de instalación:
    http://localhost/dokuwiquitoXX/install.php

Cubrimos cos datos que queiramos.  Empeza a argallar no teu wiki !!!

XAMPP para as aplicacións

Agora que xa sabemos teclear HTML, CSS e un chisco de JavaScript imos aproveitar que en internet atopamos paquetes que podemos usar para crear a nosa aplicación web: xestores de contidos, comercio electrónico, enciclopedias, etc. Imos instalar nunha máquina virtual un paquete (metapaquete) que se chama XAMPP. 

O teu traballo:

1. Que é XAMPP?
2. Cal é o contido de XAMPP?
3. Averigua o que é mysql e php
4. Cal é a diferencia entre mariadb e mysql?
5. Instalemos XAMPP en modo gráfico dende a súa web (versión Linux) ou a versión portable para Windows.
6.  Consulta na FAQ a pregunta ¿Cómo instalo XAMPP?  e faino.
7. Instalamos moitos ficheiros. Comproba:
   tree -L 1 /opt/lampp
8. Na mesma web consulta ¿Cómo inicio XAMPP? Fíxate ben que hai dous xeitos: arrancar e xa ou ben que salte o modo gráfico. Hoxe imos escoller esta:
sudo   /opt/lampp/manager-linux-x64.run &
9. Se todo vai ben arranca soa unha xanela. Cotillea o que sae:

8. Arranca o servidor web chamado Apache e tamén a base de datos.

9. Vai a un navegador e teclea http://localhost Comproba que sae a páxina que trae de fábrica.

10. Se miras no ficheiro de configuración de apache2 o usuario que usa chámase daemon e o sitio web que saen en pantalla deben estar en /opt/lamp/htdocs. Personalízaa un chisco.

11. Comandos dispoñibles : sudo  /opt/lampp/lampp (si, si, tal cual repetido)

Agora tócache a ti subir este traballo:

Sube unha captura na  que se vexa que tes instalado e funcionando XAMPP e a páxina web modificada de tal maneira que cando arranca salte unha alerta en JavaScript dando as boas tardes da túa parte.