CSS follas de estilo

Xa temos o contido das nosas páxinas web usando HTML. Agora queremos  poñelas chulas e mellorar o seu estilazo: cores, marxes, ..

É o momento de aprender CSS. Imos meter nun ficheiro na nosa carpeta web onde describamos a pinta que vai ter o que vai en cada etiqueta de HTML. Hai tres xeitos de facelo. Nós imos aprender o máis complexo 😉

O teu traballo:

• Crea na carpeta do sitio web un ficheiro que se chame estilazo.css
• Engade na cabeceira de todos os teus .html  a etiqueta:

<link  rel="stylesheet"  href="estilazo.css">

• Colle ideas deste ficheiro para o teu .css e actualiza a páxina no navegador.

Un ficheiro algo máis complexo aquí.:

	body {
	font-family: "Times New Roman", serif;
	background-color: #d8da3d; }
	h1 {
	text-align: center;
	font-family: sans-serif; }
	h2 {
	text-align: right;}
	p {
	margin-left: 80px;
	font-size: 14pt;
	color: green;}
	a:link {
	color: blue; }
	a:visited {
	color: purple; }

view raw

css_sinxelo.css

hosted with ❤ by GitHub

Seguimos coas páxinas oficiais   para ir de vagar. Fai unha lista de propiedades de CSS que podes engadir na túa folla de estilos. Complétaa con algúns dos valores desas propiedades que te parezan máis interesantes. Hai miles!!

Markdown: HTML para lacazáns?

Temos no noso repositorio en GitHub un ficheiro que se chama README.md que imos poñer ó noso gusto. Cómpre escribilo en Markdown que é unha especie de HTML rápido e sinxelo.

O teu traballo:

1. Edita  o ficheiro README.md do teu repositorio. Aprende a sintaxe de Markdown aquí, da páxina do inventor, ou nesta outra. Emprega todos os elementos que desexes para que quede interesante a páxina de presentación do teu repositorio. Mostra unha captura
2. Vai á lapela Wiki do repositorio (ver debuxo) e explica os teus cambios no proxecto das tarxetas. Engade dúas ligazóns no teu caderno: unha para ver o teu README.md e otra que nos leve directamente ó teu wiki.
3. Como activamos a posibilidade de usar Markdown nos nosos wordpress.com?
4. Existen editores de Markdown online que convirten o ficheiro.md nun ficheiro.html. Proba por exemplo este. Mostar o teu traballo. Nalgúns casos podes exportar a .pdf

Traballo voluntario UD 1

Fabrica unha páxina web (con .html e tamén un .css) na que trates os seguintes puntos:

• Mostra nunha captura de  pantalla na que se demostra que ufw non permite ningunha comunicación co exterior.
• Averigua os portos que ten abertos na túa máquina virtual a IP que se corresponde co teu router.
• Fai un manual de uso para explicar a un compañeiro doutra clase como manexar un programa de esteganografía.

Crea un repositorio na túa conta de GitHub que se chame simulacro1  e sube alí a carpeta co teu traballo. Indica no teu blog o enderezo para que podamos visitalo.