Podemos facer unha especie de xogo de preguntas e respostas. Abonda con facer clic no botón Engadir enquisa que está a carón de Engadir multimedia.
O teu traballo:
Fai tres preguntas do tema que estamos traballando. Xa veremos se é difícil e os compis non saben contestala !!!!
Preguntábades como podedes facer para engadir audio nas vosas libretas electrónicas. Non vai o botón Engadir multimedia: non lle valen os formatos de arquivos de audio. Queremos algo así, non é?
Tamén podemos convidar a descargar
Ejemmmm, vale…… o audio non é gran cousa.
Como facer:
Hai que abrir unha conta en iVoox. Lembrade dar o noso correo “profesional”
Facer clic en SUBIR
Cubrir tooodo o que preguntan (non cola intentar escaquearse). Metín incluso a foto !!
Na esquinita arriba á dereita está o voso nome.
Facedes clic en Mis Contenido <sic>
Á dereita do título tedes que premer no olliño:
Podedes escoitar o voso audio, pero xusto debaixo de reproducir (ver imaxe) está Compartir: clic. Escollemos Reproductor, e…. abaixo, abaixo de todo ….está o código que tedes que copiar. Collede o axeitado para WordPress para pegar na vosa libreta electrónica. Aviso: ten pinta espantosa: [audiobla blabalbalal…].
Eu axudeime con este blog. Se cadra explícao mellor ca min.
Nas tripas do WordPress temos o botón Engadir enquisa. Facendo clic deixavos poñer un cuestionario. Podedes deseñalo a gusto.
O teu traballo:
Pensa unha pregunta que queras facer ós teus compañeiros. Pode ser de deporte, pelis, música,…
Preme en Engadir enquisa.
Fai a túa pregunta e deixa cinco posibles respostas.
Convence ós teus compis para que participen na enquisa.
Cando teñas dez respostas leva os resultados a unha folla de cálculo e fai un gráfico de queixiños.
Fai un artigo na túa libreta contando como fixemos este traballiño.
A nosa empresa está de saldos e queremos facer uns descontos estupendos ós nosos clientes.
O teu traballo:
Nunha folla de cálculo fai unha lista de productos e ponlles os seus prezos.
Engade unha columna co prezo das primeiras rebaixas que van ser do 20% as segundas serán do 45% pero nas terceiras rebaixas tiramos os prezos cun saldo do 70%
Fai unha folla de cálculo que bote as contas en cadansúa columna. Publícaa e pon a ligazón na túa libreta electrónica. Fai un pequeno titorial explicando paseniño o que fuches facendo.
Xa sabemos unha chea de cousas sobre cables de comunicación. Agora imos reelaboralo todo e liberalo en internet: ben cheo de fotos, gráficos e esquemas. Confío que teñades moitas visitas. Ben sabedes que me parece fatal que teñades máis ca min 😉
O teu traballo:
Elaborade uns apuntamentos con todo o que levamos aprendido de cables.
Abride unha conta issuu que é un sitio web de publicación gratuíta de revistas.
Con ese material fai unha presentación e súbea á túa conta de slideshare.
Abre un novo artigo na túa libreta electrónica e incrusta as ligazóns ós dous documentos que acabas de elaborar.
Podedes empregar todos os recursos cos que fomos traballando.
irocho.wordpress.com 