Cores, colores e coloríns

Para os que non sabemos moitos nomes de cores en inglés esta páxina informa sobre os códigos hexadecimal para empregar nos nosos sitios web e nos ficheiros .css

Advertisements

CSS

Xa temos o contido das nosas páxinas web usando HTML. Agora queremos  poñelas chulas e mellorar o seu estilazo: cores, marxes, ..

É o momento de aprender CSS. Imos meter nun ficheiro na nosa carpeta web onde describamos a pinta que vai ter o que vai en cada etiqueta de HTML. Hai tres xeitos de facelo. Nós imos aprender o máis complexo 😉

O teu traballo:

Seguimos coas páxinas oficiais  para ir de vagar.

Descarga este ficheiro e engade nalgunha das túas páxinas .html na cabeceira a etiqueta:

<link  rel=stylesheet  href=oteuficheiro.css>

Un ficheiro algo máis complexo aquí.

Explica o que significan esas propiedades (en azul) no teu caderno electrónico.

Chuletas de html

Nun editor calquera tecleade (ou copiade e pegade) segundo vaiades precisando

Axuda en w3schools.com

O teu traballo:

Nunha carpeta chamada web crea cinco ficheros .html que serán o teu sitio web estático. Usa todo o aprendido. Lembra que a portada ten que chamarse index.html

Caso práctico de comandos

Desexamos crear dous directorios. Un chámase pai e outro fillo. O directorio fillo ten que estar dentro do pai.
Precisamos un documento de texto chamado pepe.txt e outro chamado traballo.dat dentro do directorio pai.
Dentro do directorio fillo queremos ter tres ficheiros:

  • luis.txt
  • marta.dat
  • bebe.txt
O teu traballo:
Publicar unha entrada titulada “Comandos útiles de Linux”  na que nos contes:

1.- Os comandos necesarios para resolver este caso

2.- Se no directorio chamado fillo tecleo cd .. que sairá por pantalla como resultado de facer pwd?

Indo aquí e alá

Hoxe imos tratar o tema do path ou ruta para saber onde están os ficheiros e como chegar a eles.

Unha axudiña nesta páxina.e tamén nesta

Comandos que traballaremos:

  • mv
  • cd
  • cp 

O teu traballo:

1.- Explica ó teu xeito nunha nova entrada na túa libreta electrónica o que é o path ou a ruta. Pon varios exemplos ben contados.

2 .- Explica que é o directorio pai e como chegar a el.

3.- Que significa no terminal un simple punto .

4.- Cal é a diferencia entre a ruta relativa e a absoluta?

Comandos indiscutibles

linuxComentamos que non só podemos manexar un sistema operativo co rato e fiestras. Lembrades que se pode usar en modo texto e para comprobalo estivemos argallando con comandos de linux. Empezamos usando:
  • whoami
  • pwd
  • ls
  • cd
  • history
  • man
  • mkdir
  • rm
  • touch

Acabo de atopar unha páxina estupenda para probar estes comandos. Se non tedes linux instalado no ordenador podedes probar terminais online para practicar!!! Probade este emulador ou este moi sinxelo. Botade un ollo a esta lista deles ou desta . Este tamén é chulo.

 O teu traballo:
Un artigo na libreta electrónica no que teredes a vosa chuleta e explicades as ordes que usamos no terminal ata hoxe.
Poñede un comentario neste artigo coa ligazón do terminal online que prefirades e a razón.