Scripts para comezar

Como expertos que xa somos en crear sistemas de ficheiros imaxinemos que temos que crear as mesmas carpetas en varios ordenadores. Podemos teclear os comandos en cada posto ou facer un pequeno script e levalo nun pen dun ordenador ó outro.
Só precisamos un comando novo: source

O teu traballo:

1. Crea un ficheiro que se chame scriptNovo.sh

2.Teclea nel os comandos necesarios para crear a estructura de ficheiros da imaxe

3. Teclea ó final a liña: echo  Rematei a tarefa

4. Garda o ficheiro scriptNovo.sh

5. Teclea no terminal source scriptNovo.sh 

6. Anota na túa libreta o que aconteceu

Advertisements

Modificar os permisos

Se queremos cambiar os permisos dun ficheiro ou directorio usaremos o comando chmod. Existen dúas notacións: con letras ou con números.

O teu traballo:

Crea un ficheiro chamado fich.dat: Modifica os seguintes permisos de dous xeitos:

  1. Da ó dono permiso de execución, ó grupo tamén e ó resto ningún permiso
  2. Dá ó dono só permiso de lectura, ó grupo e ó resto ningún permiso
  3. Dálle ó dono todos os permisos e ó grupo só lectura
  4. Quítalle ó dono permiso de execución e dálle ó resto permiso de lectura

Colga no teu iCaderno capturas de pantalla

Permisos en Linux

Entramos no ordenador cun nome de usuario e pertencemos a un grupo. Se creamos un ficheiro somos os seus propietarios e podemos traballar con el. Podemos tamén darlle permiso ós usuarios cos que compartimos grupo ou ó resto da xente para que o lean ou escriban ou executen.

O teu traballo:

Crea un ficheiro e un directorio. Anota cales son os permisos que traen “de fábrica”

Se ó propietario do ficheiro se lle quita o permiso de escritura. Podes abrir o ficheiro? Escribir nel e gravar o que escribes?

Se ó propietario do directorio quitámoslle o permiso de execución. Podes ver o seu contido? Podes crear un ficheiro dentro? Se quitas o permiso de lectura, podes abrilo?

Faite socio/a

Imaxinade que estamos na xunta directiva dunha asociación deportiva ou dunha ONG e queremos facer un deseño do boletín de inscrición para que a xente se faga socia.

Queremos solicitarlles datos coma o seu nome, o seu enderezo postal, o seu correo electrónico e incluso o número de conta para pasarlles as anualidades.

Fixádevos no que vos poño de exemplo aquí á dereita: ten o logo da asociación, un título e unha táboa con casiñas para que enchamos os datos.

Cotilleo: saqueino de google, por se queredes ver máis. Nen son socia nen coñezo o que é esa asociación pero non deben ser mala xente se coidan dos cans abandoados 😉

O teu traballo:

Deseña empregando táboas un recibo, gárdao en .pdf e súbeo ó teu caderno nunha entrada que se chame “Faite socio/a” para que a xente poda descargalo

Curriculum vitae

Como estamos nunha formación Profesional temos que ir facéndonos á idea de irnos preparando para a vida laboral. O currrículum é a nosa presentación para optar a un posto de traballo. Existen moitos modelos pero imos facer un sinxelo e de paso repasamos interlineados, tipos de letra, inserir fotos,…

O teu traballo:

Ocupando só unha carilla dun folio inventa un CV que teña alomenos os apartados:

  • Datos persoais
  • Formación académica
  • Experiencia laboral
  • Aficións
  • Foto tipo carné

     

     

    Coma sempre expórtao a .pdf e súbeo ó teu iCaderno

Redirecionar a ficheiro

Moitos comandos despois imos ver un operador. Cando queremos que en troques de mostrar no terminal a saída dun comando interésanos que o garde nun ficheiro cómpre usar o símbolo > https://i0.wp.com/cdn.mysitemyway.com/etc-mysitemyway/icons/legacy-previews/icons/matte-grey-square-icons-alphanumeric/118503-matte-grey-square-icon-alphanumeric-more-than.png

O teu traballo:

Conta como funciona o operador redireción

Explica como gardar nun ficheiro o resultado que obtemos tras un ls ou un history.

Anota na túa libreta electrónica a diferencia entre usar o operador > e o seu duplicado >>

Vai a unha carpeta da que colguen ficheiros ou outras carpetas e envía a saída de tree a un ficheiro que se chame esquemita.dat

Engade nese mesmo ficheiro a saída de history e o día e hora na que o fas

Pintar un sistema de arquivos

Temos instalado nos nosos ordenadores un programa para facer diagramas. Chámase DIA e paga a pena xogar con el un rato. Se queredes descargalo aquí.

O teu traballo:

Escolle a folla de plantillas que se chama Diversos e fai un debuxo dun sistema de arquivos.

Vai ó terminal. Fabrica ese sistema.

Publica nunha entrada o teu debuxo mailo history