Funcións sinxelas

Se queremos ser uns expertos en follas de cálculo non queda outra que afacernos ás funcións. Son truquillos que nos permiten facer operacións de golpe. O único que debemos lembrar é o signo de igual =====

Coido que xa usamos a ferramenta SUMA() para facer as contas dos nosos gastos. Moitas veñen de fábrica, outras podemos programalas nós… pero eso será outro día. Hoxe imos coas máis sinxeliñas.Sen titulooo

O teu traballo:

Unha función chula é CONTA() e serve para…. contar 😉 ou sexa tecleamos unha chea de números ata encher unha columna. Facemos clic noutra casiña calquera. Imos á barra de ferramentas, poñemos o = para indicar que imos traballar con funcións e tecleamos:

=CONTA()

marcamos todos os números da columna e rematamos a paréntese. Xusto ó premer intro a folla de cálculo bota a conta.

Poñede agora palabras nunha columna. Contade cantas son empregando a función =CONTARA()

Probamos tamén con =MÁXIMO(

Como se averiguará o mínimo? Cotilleade no botón que dá o índice de todas as funcións.

Entrade no voso GoogleDrive, facede o mesmo exercicio e publicádeo poñendo a ligazón na vosa libreta electrónica. Facede un titorial para explicar todo o que fixestes

Advertisements

Rebaixas de xaneiro

A nosa empresa está de saldos e queremos facer uns descontos estupendos ós nosos clientes.

O teu traballo:

Nunha folla de cálculo fai unha lista de productos e ponlles os seus prezos. rebaixas-20153Engade unha columna co prezo das primeiras rebaixas que van ser do 20% as segundas serán do 45% pero nas terceiras rebaixas tiramos os prezos cun saldo do 70%

Fai unha folla de cálculo que bote as contas en cadansúa columna. Publícaa e pon a ligazón no teu e-caderno. Fai un pequeno titorial explicando paseniño o que fuches facendo.

 

Contabilidade caseira

A nosa empresa imaxinaria tivo moooitos gastos este ano e por suposto ingresos a manchea. Facendo as contas, é rendible?

Gastos2

O teu traballo:

Nunha folla de cálculo fai dúas columnas, unha cos ingresos e outra cos gastos.

Usando o botón de suma calcula cada total

Nunha casiña nova fabrica a fórmula que reste os ingresos dos gastos. Xa vos boto unha man eu.

Es un empresario/a de éxito?

Fai o mesmo coa  contabilidade doutra empresa no Google Drive, publica a folla de cálculo no teu caderno electrónico insire a ligazón.

Ducias de ovos

As follas de cálculo permiten facer algo parecido a unha programación sinxela. Todos sabemos que unha ducia de ovos son 12 ovos. Imos pedirlle á folla de cálculo que nos faga a conta de cantas ducias son 2342 ovos ou cantos ovos son 23,4 ducias.

O teu traballo:

Escolle a casiña na que imos poñer as ducias.

Escolle a casiña na que vai mostrar o resultado. Teclea o signo igual = e teclea 12* e xusto despois fai clic na casiña onde tecleamos as ducias.

Xa temos programado un conversor de ducias a ovos. Algo así?

Fai o mesmo pero de ovos a ducias

Que tal noutra folla un conversor de km a m? e de megas a xigas? ou de horas a segundos? euros a dólares?

 

Informe de ventas na nube

Imos facer follas de cálculo  en Google Drive. Coido que non precisades moita axuda. Non é tan distinto!!

O teu traballo:

Metemos datos dos millóns de euros que gañou unha empresa imaxinaria nos derradeiros anos. Outro gráfico cos productos máis vendidos.

Teñen que quedar moooi “tuneadas”, pero serias e formais!!!

Inserimos nun documento de texto na nube e redactamos un pequeno informe informando dos nosos excelentes resultados dos anos anteriores.

 

Follas de cálculo e a parella ideal

Eso de facer contas cos dedos…. ou coa calculadora…. eso está mooi antigo. Imos aprender a manexar unha folla de cálculo. Concretamente LibreOffice Calc.

https://i0.wp.com/standardsandfreedom.net/wp-content/uploads/2014/05/256px-LibreOffice_4.0_Calc_Icon.svg_.png

O teu traballo:

Fai unha enquisa sobre os gustos dos teus amigos. Cal é a súa parella ideal? Cor favorita de ollos? Cor de pelo?

Representa os teus datos en gráficas que queden chulas e cópiaas e pega nun procesador de texto para redactar un informe en .pdf que colgues do teu caderno electrónico.

Blog a .pdf

Prometín que  vos ía contar como podedes descargar as vosas libretas electrónicas.

O primeiro é baixalas de WordPress. Existe un servizo que se chama PressBooks que é gratis 😉 podedes fabricar .pdf, .epub, .mobi e outros formatos que non coñezo de nada. Se queredes ter un libro en papel de verdade daquela hai que pagar un chisco, pero eso é cousa vosa.

Polo de agora non sei esquivar a publicidade, pero non é moi invasiva, algunha axuda nos comentarios?

https://i0.wp.com/static1.esoterismos.com/wp-content/uploads/2009/01/frases-de-despedida.jpg

O teu traballo:

Entra na túa libreta electrónica coma sempre e no menú Ferramentas escolle Exportar.

Crea unha conta en PressBooks

Vai ó menú Herramientas e Importar

Tes que subir o ficheiro .xml que exportaches antes

Vai ó menú Apariencia e busca o teu tema favorito

O menú Exportar fai xusto eso. Xa tes a túa libreta electrónica no teu ordenador.